2 years ago
0
12
香港其中一間出名米線😍 老闆娘雲南米線裝修之後最近重開,依舊係咁多人排隊,我覺得開鋪前15分鐘排係最好因為可以剩係等15分鐘,之後先排要等頭一輪食客食完先有得入可能會等得仲耐。入去之前就要落單亦無得加單,麵有得揀米線、拉麵、銀針粉,湯底有蒙古湯、清湯、酸辣湯、麻辣湯、麻酸辣湯、淨酸湯等。一碗米線連一款餸 $48,餸有超過30款例如有吉列豬扒,椒鹽雞翼,腐皮卷,蝦膠豆卜等,每款餸加 $10。湯底我揀左酸辣湯,酸度有致,不過欠缺層次感,米線都算爽滑。餸方面腩肉醃得入味,而酸菜辣牛腩大件,食落帶點嚼勁。招牌酥炸雞球,呢款餸 $10 有3件其實抵,亦係好多枱客人都會叫既食物,雞球炸得算脆,肉質當然唔能夠要求好嫩滑不過至少食落都夠鬆軟。 老闆娘雲南米線 荃灣曹公街8號香車街熟食中心3樓28-29號舖